عشان تبدأ تتعلم تسويق رقمي ضروري تبقى عارف إنه من أكتر المجالات اللي اتكتب فيها وإتكتب عنها وحرفيا في الاف الكورسات والكتب اللي ممكن تبدأ تتعلم منها.
وبناءا على ما فات ضروري تعرف إن الـ search خطوة اساسية ومستمرة معاك طول الوقت. وتعرف تفتح جوجل و يوتيوب وتبحث عن “المعلومة اللي عاوز تتعلمها” في كل مرة عاوز تعرف فيها معلومة. وطول ما انت بتشتغل في التسويق طول ما هتفضل تبحث وتنخرب وتجيب آخر النتايج عشان توصل للمعلومة اللي بتدور عليها.
وعشان وقتك الثمين وتركيزك، جهزتلك أهم 4 مصادر – من وجهة نظري – تختار منهم مصدر واحد تبدأ تتعلم منه تسويق رقمي. وضروري تكمل المصدر اللي اختارته للآخررررر قبل ما تنقل على مصدر جديد.
1) كورس هاب/سبوت hubspot
أول كورس تقدر من خلاله تتعلم التسويق الرقمي كـ مبتدأ وتعرف أهم الأساسيات اللي هتشتغلها في رحلتك في التسويق الرقمي.
2) كورس مهارات من جوجل
كوس كامل متاح باللغة العربية عشان يساعدك تستخدم الانترنت في تسويق الانشطة التجارية وتم تصميمه مخصوص للمبتدئين وأصحاب المشروعات الصغيرة.
3) كورس egfwd
الكورس ده هو الأحدث والأشمل في تعلم التسويق الالكتروني، ومن اهم مميزاته انه متقسم على 3 مستويات من المبتدأ للمحترف، وإنه معتمد ومعترف بيه في مصر 😀
4) كورسات meta blue print
وهنا هتقدر تتعلم التسويق الرقمي بـ3 طرق، الكورسات الصغيرة والبرامج التدريبية والاعتماد المباشر من ميتا فيسبوك.
وده هيكون إجابتي المستمرة لسؤال: أبدأ ازاي اتعلم ماركيتنج 😀 #لحين_اشعار_آخر
